Masla-e-dil ko jo samjho to ta'luqat likho.
Jitni tum jaante ho Sartaj utni baat likho.
Wo jo bareek hain gehre hain aur aham bhi hain;
Wasl-o-hijran ke darmiyan ke wo jazbaat likho.
Aab ka rabta zameenon se hai aatishon se nahin,
Shaam ko shaam likho raat ko bhi raat likho.
Tera qissa mukammal hi samajh aa jayega;
Ek pehli aur ek aakhri mulaqat likho.
Kuch maharat to dikhao mohabbat mein zara;
Kuch hidayat-o-mashwarat-o-ehtiyaat likho.
Sabke apne tajurbe hain apne pehlu hain;
Tumne jo dekhi hai nazron se wo hayat likho.
Arey ab jaane bhi do, chhodo, ho chuka ye bahut;
Aib to kis mein nahin hain tum bas sifat likho.
Khushboo-o-lazzat se ho bayaan har ek sinf ki tum;
Ab deewan se kuch aage badho kulliyat likho.

Kh?bur?oñ ko ko? ye itti'l?h kar de ki ab
Chashm k? talw?r se y?ñ v?r karn? jurm hai.
Ghair-w?jib hai ad?oñ se ye sab dild?ziy?ñ
In laboñ se sharbat? guft?r karn? jurm hai.
Ye ir?de kaunse hain kaise ye ikhl?q hain.
Sitamzadg? k? qat?roñ mein kha?e ushsh?q hain.
Fitrtan wa'dafrosh? h? agar karn? hai to
Pukhtag? se is qadar iqr?r karn? jurm hai.
Ehtiy?tan r?bta kariye guz?rish hai zara.
Us Khud? se kam-az-kam ?ariye guz?rish hai zara.
Ek ho sakte nah?ñ gar dil to phir z?hir hai ki
Bas shar?rat se nig?heñ ch?r karn? jurm hai.
Jo mar?sim mein mohabbat k? mehak bars?yeñge.
Kashmakash hog? to wo ehsaas m?re j?yeñge.
Tal?h mausam surkh jazbe ko mu?fiq h? nah?ñ
Dekhiye aise gul?ñ ko kh?r karn? jurm hai.
J?nte hain phir ko? imd?d ho na p?yeg?.
Hijr se v?r?n r?h ?b?d ho na p?yeg?.
Ghair-mumkin hai agar t?m?rd?r? ?p se
Ishq se Sart?j phir b?m?r karn? jurm hai.

Behtar baatein karne aur behtar hone mein farq hai
Zar ki sirf chamak rakhne aur zar hone mein farq hai.
Yoon to aaleeshan imarat mein bhi soote rehte hain
Dolatmand ameer baat yeh sab aakhir mein kehte hain.
Umda kamre har ik shakhs kiraye par le sakta hai;
Char deewari hone mein aur ghar hone mein farq hai.
Kuch logon ne jiye hain aur kuch ne sirf guzare hain
Zindagiyan jeene ki jaanib yeh faqat ishare hain.
Jaana chahe ek hi manzil par hota hai sab ne par,
Safar khatam hone aur safar ke sar hone mein farq hai.
Yeh to ik fitrat hai jismein kul makhlook hai maahir bhi
Yeh to ek hifazat hai jo laazim bhi hai zahir bhi.
Do cheezon ke ikhtilaf ko samajh ke chaliye ga kyunki,
Chokas hone aur kisi ka dar hone mein farq hai.
Jaise tum kuch waqt ke liye dili saajawat bante ho
Chokhat hi ban jao kyun Sartaj rukawat bante ho.
Jis pe taala lagne ki gunjaish nahi hai bilkul bhi;
Darwaza hone mein aur ik dar hone mein farq hai.

Rehnumaiyan chhodiye chaliye aawara ho chalein.
Jaise the pehle zara waise dobaara ho chalein.
Mujhko yeh kehna hai bas ke tabsara azaad ho,
Jo bhi dil dilgeer tha ab woh dil dilshaad ho.
Kaam aa jayein zubaanen gar kisi miskeen ke;
Chaliye kuch muflis o kambakhton ka naara ho chalein.
Aatishon ki shokhiyaan chhodi hain bhooli to nahi.
Baraf ki tajweez hai, hamne qubooli to nahi.
Ab tasavvur ki zara in talkhiyon se boliye;
Dahak kar chaliye zara phir se sharaara ho chalein.
Danish aamuzi mohabbat mein kahan chalti hai ji.
Khaali kaaghaz par hi yeh shaam-e-ghazal dhalti hai ji.
Zehen o dil ko saafgoi se ata karke zara;
Harf-e-ulfat ke liye dilkash ishaara ho chalein.
Jaante hain hum ke is qasbe ke tum sartaaj ho.
Shams banna hai abhi to khaakzaad siraj ho.
Aasmaano ki yeh baatein chheed hi li hain to phir
Ab zaminein chhodiye chaliye sitara ho chalein.

Agar Ghazala ko yeh tera naaz mile to kaisa ho
Agar shughoofon ko tera andaaz mile to kaisa ho
Mujhko yeh kehna hai bas ke tabsara azaad ho,
Jo bhi dil dilgeer tha ab woh dil dilshaad ho.
Kaam aa jayein zubaanen gar kisi miskeen ke;
Chaliye kuch muflis o kambakhton ka naara ho chalein.
Aatishon ki shokhiyaan chhodi hain bhooli to nahi.
Baraf ki tajweez hai, hamne qubooli to nahi.
Ab tasavvur ki zara in talkhiyon se boliye;
Dahak kar chaliye zara phir se sharaara ho chalein.
Danish aamuzi mohabbat mein kahan chalti hai ji.
Khaali kaaghaz par hi yeh shaam-e-ghazal dhalti hai ji.
Zehen o dil ko saafgoi se ata karke zara;
Harf-e-ulfat ke liye dilkash ishaara ho chalein.
Jaante hain hum ke is qasbe ke tum sartaaj ho.
Shams banna hai abhi to khaakzaad siraj ho.
Aasmaano ki yeh baatein chheed hi li hain to phir
Ab zaminein chhodiye chaliye sitara ho chalein.

Kuch inayat kijiye kuch mehrbani kijiye
Guztgu kar ke zara si to asaani kijiye.
Waise to qissa hi poora keh diya nazron se par
Mukhtalif si baat kuch yun bhi zubaani kijiye.
Yeh mohabbat ke bade makhsus se mehmaan hain,
Ishqiya mehfil sajaiye, mezbani kijiye.
Haan sharafat ki badi hai ahmiyat maana magar
Bas shararat ke liye kuch to shaitaani kijiye.
Aalim-o-fazil ke jo rutbe mile kaafi hain woh;
Bahut kar li aqalmandi ab naadani kijiye.
Gaur farmaiye ga kuch pesh nazar hai aapke
Halki si muskaan se misra laasaani kijiye.
Aap aaye hain to yeh aalam munawwar ho gaye,
Arz hai sartaaj ki rooh bhi noorani kijiye.

Na usne koi jang ladi hai na hi woh koi ghaazi hai
Sukhan parwari se usne jeeti ab tak har baazi hai.
Shaayar ka maidan hai kaaghaz, qalam hi uski tegh bane.
Fateh kare ash'aaron ko woh yun lafzon se baaz bane.
Dekhe takhayyul ki raftaar hai poori mauj-rawani mein,
Tarkash bhara hai harfon se ye uski teer-andaazi hai.
Duniya ke kai bade marhale nagmon se tay kiye gaye.
Adab-adeeb ke haathon se kitne insaaf hain diye gaye.
Bina adalat bina wakalat fatwe maane jaate hain.
Hairaan hoon ke na woh koi munsif hai na qaazi hai.
Jo maslay namumkin hain shaayad hal ho afsaano se.
Aise kuch jazbaat qudratan keh gaye deewanon se.
Lafzon ki taqat maanein ya khushkhulqi hai shaayar ki,
Badi ghaneemat hai ke har ik dil is baat se raazi hai.
Shaayad kuch mazboot ho sake ye deewar iradon ki.
Tum sartaaj shaagirdi kar lo gar mo'jiza ustadon ki.
Aftab aasari hai jis qalamkashi mein saameen,
Hindustan mein Asad hai aur Iran mein koi Shirazi hai.